Este 31 de decembro vaise celebrar unha nova edición (logo da de Noiteboa) dos Tardeos de Nadal en Porto do Son: unha festa vespertina para celebrar o aninovo antes da noite. Haberá música con Arume (das 17.00 ás 18.30 horas), coa charanga Os Charangos (de 18.00 a 20.00 horas) e con DJ Kike Varela (das 20.00 ás 21.30 horas).
Dende o Concello lembran que a actuación do grupo Tanto nos Ten, dentro da programación de Tardeos de Nadal, queda cancelada por motivos alleos á organización (o Concello en colaboración coa hostalería local). Esta actuación estaba prevista en horario de 18:30 a 20:00 horas. Aínda así, toda a veciñanza poderá desfrutar e bailar a ritmo da música dos tardeos en Porto do Son. As actuacións terán lugar polas rúas e bares da vila.
