O Auditorio de Rianxo acolle a vindeira fin de semana o Festival de Nadal da Escola Música Rianxo. Desenvolverase en catro sesións entre o venres 19 e o domingo 21 de decembro. O venres 19 levarase a cabo a primeira das sesións, a partir das 20.00 horas no Auditorio de Rianxo, coas aulas de percusión, canto, guitarra, trompeta, saxofón, baixo eléctrico e combo infantil.
O sábado será a quenda da aula de piano, ás 11.00 horas no Auditorio.
O domingo actuará o alumnado das aulas de frauta, óboe, metal grave, saxofón e banda infantil. Será ás 11.30 horas no Auditorio.
O domingo pola tarde será a última quenda a partir das 18.00 no Auditorio, coas aulas de fagot, clarinete, violín, violonchelo, ensemble de cordas e aula de iniciación musical.
Organiza da Escola de Música de Rianxo coa colaboración do Concello, a Deputación da Coruña e a Xunta.
