A Casa da Cultura de Noia acolle este 20 de decembro unha nova presentación literaria. En concreto, darase a coñecer o libro Atormentado por la oscuridad, do autor local Damián Güeto, publicado por Avant Editorial. Será este sábado ás 19.00 horas. Contarase coa presenza do autor e de Chelo Martínez, concelleira de Cultura, que será a encargada de presentar o acto. A entrada libre será libre ata completar aforo.
Sinopse
Tras os fatídicos sucesos acontecidos anos atrás no seu pobo natal, Daniel Evans atópase recluído e totalmente privado de liberdade nunha institución de máxima seguridade. Cando as súas esperanzas de poder saír de alí trúncanse de maneira repentina, recibe unha inesperada visita que o cambia todo drasticamente.
Loitando aínda contra as súas pantasmas do pasado, terá que facer fronte á situación para a cal foi requirido, mentres a batalla no interior da súa mente continua latente. Será capaz de manter a cordura ao mesmo tempo que completa a súa nova e dificultosa misión?
