Este venres 26 de decembro celebrarase na rúa Peonil de Boiro o espectáculo A familia Papaventos, de Charo Pita. A cita será ás 18.00 horas e irá dirixida ao público infantil e familiar. Encádrase na programación de lecer de Nadal elaborada polo Concello de Boiro.
A familia papaventos é un traballo de Charo Pita cos músicos María Falti e Jorge Juncal no que interpretan cancións en formato trío. Cancións que forman parte do libro No país do vento publicado por Charo Pita coa editorial Galaxia.
No País do Vento nada queda quieto: os pés bailan, as saias xiran, as xentes brincan e moitas melodías e algunhas pequenas historias van buscando orellas que escoiten e beizos que as cantaruxen para seguir vivas ao lombo das brisas e dos furacáns.
