Tendo en conta a previsión meteorolóxica para as próximas xornadas, a andaina por Palestina prevista para o vindeiro sábado (6 de decembro) aprázase ao 3 de xaneiro. Dende a organización rogan ás persoas inscritas na camiñada que desculpen as molestias causadas, “pero é preciso garantir a seguridade das e dos participantes”.
A andaina vén da man do Festival Rock in Rian, coa colaboración do Concello de Rianxo. Na nova data fixada seguirá a presentar dous percorridos: un de 11 quilómetros de distancia a camiñar e outro de 4,5 quilómetros, así como opción de fila 0 para que calquera persoa poida apoiar a iniciativa.
O recadado doarase a International Child Welfare.
As inscricións están abertas aínda na web woutick.com.
