A Policía Local de Ribeira imputou penalmente a tres homes como presuntos autores dun roubo de combustible nun camión estacionado na zona portuaria do municipio. Os feitos ocorreron na tarde do domingo 14 de decembro, durante un servizo de vixilancia ordinario.
A actuación policial foi posible grazas á colaboración cidadá e á rápida intervención dos axentes, que lograron recuperar o combustible subtraído, así como diverso material presuntamente utilizado para cometer o roubo.
Tras a intervención, os axentes procederon á identificación dos sospeitosos e á posta dos feitos en coñecemento da Autoridade Xudicial competente.
Desde a Policía Local de Ribeira destacan a importancia da colaboración veciñal para previr este tipo de delitos e reforzar a seguridade nas zonas industriais e portuarias do municipio.
