O Concello de Noia informa da representación, o vindeiro domingo 14 de decembro ás 19:00 h, da proposta escénica Microditea da compañía Teatro de Cámara Ditea, no Teatro Coliseo Noela. Trátase dun espectáculo composto por tres micropezas e recomendado para maiores de 14 anos.
A función contará coa participación do actor noiés Jerry Noia, que forma parte do elenco da obra xunto con outras intérpretes da compañía.
O prezo da entrada é de 3 € máis gastos de xestión e pódese adquirir de xeito anticipado na plataforma Ataquilla, a través da ligazón habilitada así como na billeteira do Coliseo o propio día da función ata completar aforo.
Ditea (Difusión de Teatro Afeccionado) é unha asociación de teatro de cámara fundada en Santiago de Compostela en 1960.
