A parroquia de Xuño (Porto do Son) celebra este 29 de novembro a súa festa do Magosto, con actividades a partir das 16.30 horas na Casa da Cultura, organizadas pola Comunidade de Montes de Xuño, a Asociación Sartaxas, a ANPA As Furnas e Sonora Asociación Cultural, coa colaboración do Concello de Porto do Son. Haberá actividades gastronómicas (por exemplo a exaltación da castaña) pero tamén deportivas, lúdicas e culturais, por exemplo unha andaina para apañar castañas, contacontos, xogos populares, merenda e foliada libre. Actuarán Rexoubeiros, Rexoubeiriños e Rumbia.
