Calcúlase que 13 millóns de mulleres na Unión Europea experimentaron violencia física e que unha de cada 20 mulleres foi violada desde os 15 anos de idade. Estes datos forman parte dun estudo e enquisa realizada polo Parlamento Europeo, a través da (FRA) Axencia dos Dereitos Fundamentais da Unión Europea e poñen de manifesto que é o momento de recoñecer, de maneira global, que a violencia “doméstica” ou de “parella” non pode ser considerado como un asunto privado, senón ten que ser unha cuestión na que debe intervir o Estado de maneira efectiva.
En moitas ocasións a realidade vai máis aló das lexislacións de calquera país e a psicose que se crea en certos colectivos é un síntoma de que algo non funciona como debería. Proba diso é que a metade das mulleres da Unión Europea, o 53%, procuran evitar certos lugares ou situacións por temor a ser vítimas de agresións físicas ou sexuais.
Está claro que a violencia de xénero contra as mulleres é unha desagradable realidade, non só en España, e por iso a Unión Europea é consciente da necesidade de artellar máis programas de axuda, por distintos medios, para a protección dos nenos, mozos e mulleres fronte a todas as formas de violencia ao obxecto de constituír probas de fronte ao desenvolvemento de respostas políticas e accións contundentes e realistas sobre o terreo, evitando así que se repitan algúns resultados da enquisa descrita que sinala que o 30% das mulleres da UE que foron vítimas de agresións sexuais por parte da súa parella actual ou das anteriores sufriran tamén violencia sexual na infancia.
