Este sábado 15, San Alberte, continuaremos cunha xornada marcada pola inestabilidade atmosférica da borrasca Claudia.
Agárdanse ceos maioritariamente nubrados e precipitacións, que serán máis probables e intensas na metade sur e oeste, onde poderán ir acompañadas de treboadas. Pola contra, na metade norte abriranse claros ao longo do día.
As temperaturas manteranse sen cambios significativos, mentres que o vento soprará de compoñente sur, moderado en xeral, con refachos fortes no litoral atlántico.
O domingo teremos ceos nubrados en xeral e con chuvias máis activas ao oeste onde poden ser localmente fortes e puntualmente tormentosas. A última hora da tarde pouco a pouco empezan.
O noso mar: Vento do sudoeste á mañá e á noite e do sur á tarde, forza 5 a 7 á mañá, 4 a 5 á tarde e 4 a 6 á noite. Marusía á mañá e forte marusía á tarde e á noite. Visibilidade regular. Mar de fondo do oeste, con ondas de 0.5 a 1.5 metros á mañá, 1.5 a 2.5 metros á tarde e 1 a 2 metros á noite.
