O Festival Rock in Rian, coa colaboración do Concello de Rianxo, organiza unha andaina por Palestina. Será o vindeiro 6 de decembro, con saída ás 10.00 horas dende a praza Castelao. Haberá dous percorridos: un de 11 quilómetros de distancia a camiñar e outro de 4,5 quilómetros, así como opción de fila 0 para que calquera persoa poida apoiar a iniciativa.
O recadado doarase a International Child Welfare.
As inscricións están abertas na web woutick.com.
Dende Rock in Rian explican que “malia que o foco mediático xa se centrase nas novas primicias, dende a Asociación Festival Rock in Rian queremos tentar aportar o noso gran de area á causa palestina. E queremos facelo da man da xente”. De aí que habilitaran unha fila 0, “para quen non poida achegarse á andaina pero non queira quedar sen aportar”.
