O proxecto ULA Libraría Social de Outes, impulsado por Maitane Vicente, vai dar acollida este venres 21 de novembro, ás 19.30 horas, á presentación do libro A dama de Anboto, un thriller do escritor galego Rober Cagiao ambientado entre Galicia e Euskadi (onde están, precisamente, nos montes de Anboto, de onde é natural a deusa Mari). A cita é este venres ás 19.30 horas. O libro está editado polo selo galego Calacán (en galego).
Sinopse
As lendas como fonte inesgotable da cultura galega e vasca. Os inspectores Galdós e Lasarte chegan a Portomarín para investigar a morte dunha muller que desapareceu hai sete anos no País Vasco. Ninguén tivo noticias dela durante este tempo e agora aparece morta, e todo indica que foi asasinada, pero por que a tantos quilómetros de distancia?
Aínda que o máis inquietante do caso é que a súa irmá, Amalur, desapareceu da mesma maneira, pero hai vinte e un anos, e aínda sen noticias dela. O día e lugar repítese, pero con anos de diferenza: un solsticio de verán nos montes de Euskadi. Concretamente, no pico de Anboto, preto de a cova da Mari. Onde conta a lenda que, se te atopas a unha fermosa muller e faiche unha pregunta, máis vale que lle sexas sincero, porque se lle amentes, caerache a peor das desgrazas; en cambio, se lle dis a verdade, concederache o que máis anhelas. Hai realmente unha conexión entre estas mulleres e esta cova?
A inspectora Bibiana Galdós e o inspector Lasarte viaxan de Galicia ao País Vasco para descubrir que hai detrás. De súpeto, todo ponse en marcha e os perigos axexan, o que se converterá nunha carreira contrarreloxo para descubrir que escóndese tras tantos anos de silencio. E canto máis cercan están de descubrir esta conexión, a verdade está a piques de descubrirse, e quizais ninguén estaba preparado para ela. Asasinatos e segredos familiares nun ambiente rural con misterio e tensión ata o último momento.
