A Asociación Española Contra o Cancro segue adiante coas súas actividades dinamizadoras, participativas e/ou solidarias no Barbanza. No programa inclúese unha cita en Ribeira: un obradoiro de balde sobre Manexo da incerteza para pacientes oncolóxicos.
Será este mércores 26 de novembro ás 10.30 horas, na sede da Asociación Española Contra o Cancro en Ribeira (no número 1 da rúa Estatuto). As inscricións cómpre facelas a través do teléfono 981 57 64 79 ou no correo electrónico santiago.compostela@contraelcancer.es. Organiza a Asociación Española Contra o Cancro en Ribeira co apoio do Concello de Ribeira e da Xunta de Galicia.
