O Concello de Rianxo recibiu unha subvención por importe de 53.000€ para a mellora enerxética do edificio de Servizos Sociais.
Os fondos proveñen da Unión Europea e da Xunta de Galicia e permitirán levar a cabo un proxecto, que conta cun orzamento total de algo máis de 66.000€, “orientado a levar a cabo unha importante renovación do edificio”, informou o Concello, engadindo que o obxectivo principal das actuacións que se proxectan é o de reducir nun 20% o consumo enerxético do edificio mellorando a súa envolvente e renovando o sistema de calefacción.
