A Editorial LAR Libros e a Asociación de Periodistas e Estudosos do Camiño de Santiago (APECSA) celebrarán o vindeiro martes, 18 de novembro de 2025, ás 19:00 horas, a presentación do libro Andares, unha escolma de artigos da sección xornalística Tía Manuela, escrita polo periodista Luís Celeiro Álvarez, colaborador de O Barbanza. O acto terá lugar no salón de actos da Facultade de Filosofía da Universidade de Santiago de Compostela (USC), situada na Praza de Mazarelos.
No evento intervirán Xosé María García Palmeiro, periodista e presidente de APECSA, quen ademais asina o limiar do libro; Marga Romero Lorenzo, escritora e profesora de Galego no IES Rosalía de Castro de Santiago de Compostela; Xosé López García, catedrático de Xornalismo da USC; e o propio Luís Celeiro Álvarez, autor da obra.
A entrada será libre para todas as persoas interesadas en asistir a esta presentación literaria, organizada co apoio da Academia Xacobea, a USC e a Editorial LAR Libros.
