O presidente de Portos de Galicia, José Antonio Álvarez, reuniuse na mañá deste mércores 5 de novembro coa directiva do Club de Remo da Pobra (Club de Remo Puebla) e confirmoulles a plena disposición do ente público a executar as obras de mellora da rampla contigua á antiga sede da entidade. Esta actuación atópase á espera do informe preceptivo de Compatibilidade coa Estratexia Mariña solicitado a Costas do Estado en outubro de 2024.
No encontro, Álvarez ratificoulles a posibilidade de seguir empregando a nave de consignacións como sede provisional da entidade e analizaron as condicións actuais da mesma, que utilizan á espera do arranxo, por parte do Concello, da antiga nave, incendiada o pasado mes de xaneiro.
