A produción de mexillón en Galicia sofre un duro golpe tras o peche de case o 80% dos polígonos de bateas debido á presenza de toxinas lipofílicas (diarreicas), segundo informou o Instituto Tecnolóxico para ou Control do Medio Mariño (Intecmar).
En total, 41 dos 52 polígonos existentes nas rías galegas foron clausurados, incluíndo a totalidade das rías de Pontevedra e Muros-Noia, así como amplas zonas de Arousa e Vigo. Este martes sumáronse cinco novos peches nas áreas de Redondela (Ría de Vigo) e A Pobra (Ría de Arousa).
Ademais, o marisqueo tamén se ve afectado: media ducia de zonas entre as rías de Pontevedra e Vigo foron pechadas á extracción pola mesma causa. A situación xera preocupación no sector, que xa viña alertando sobre as condicións ambientais adversas, como a alta temperatura da auga, a ausencia de vento do norte e a continua desova do mexillón, factores que poderían estar a favorecer a proliferación destas toxinas.
Actualizase o estado das zonas de viveiros flotantes ás 15 horas ((Intecmar):
