Doce comercios do concello de Outes participan no programa Mercanavila da Deputación da Coruña a través do cal a cidadanía pode desfrutar de descontos de ata 100 Euros. O prazo para descargar o Bono e ata o 20 de Novembro ou até esgotar o crédito.
O Concello de Outes compartiu un vídeo explicativo sobre como darnos de alta.
Quen precise axuda ou información sobre o programa pode acudir ao ADL do Concello nas oficinas municipais.
MercaNaVila e a súa plataforma tecnolóxica (Mercanavila.gal) son recursos impulsados pola Deputación en colaboración coa Federación Galega de Comercio para impulsar o pequeno comercio e a economía das das nosas vilas.
Segundo a institución provincial, MercaNaVila é un dos maiores programas de impulso ao consumo de proximidade activado en Galicia nos últimos anos. Estamos a falar de 6 millóns de euros destinados a fomentar as compras nos comercios dos concellos de menos de 20.000 habitantes da provincia da Coruña.
Logo do prazo de adhesión dos comercios interesados en participar (que finalizou o 20 de outubro) a cidadanía pode descargar nos seus teléfonos móbiles os seus bonos desconto, de ata 100 euros por persoa, a través da web mercanavila.gal.
Estes bonos permitirán aplicar descontos automáticos de entre 5 e 15 euros en función do importe de cada compra, sempre que se realicen nos establecementos adheridos.
Os incentivos estarán dispoñibles ata o 20 de novembro ou ata que se esgote o orzamento.
