O Parque dos Bombeiros de Ribeira (Consorcio Provincial Contra Incendios e Salvamento) actuou a pasada madrugada na avenida das Carolinas de Santa Uxía para sufocar as lapas dun contedor de lixo incendiado. Non houbo que lamentar máis danos materiais que os que afectaron ao propio colector, situado moi preto das vivendas.
Ademais, dotación de garda do Parque de Bombeiros de Ribeira tivo que intervir este venres 7 de novembro, pola mañá (arredor das 11.30 horas) para socorrer, xunto coa Policía Local de Porto do Son, ás persoas feridas nun accidente rexistrado na estrada AC-550, ao seu paso pola parroquia de Nebra (en Porto do Son).
