O PP emitiu un comunicado no que reclama ao Goberno central “un liderado claro e firme” na defensa dos intereses estratéxicos do sector pesqueiro”.
O senador de Ribeira, Manuel Ruiz, advertiu do “progresivo deterioro dos intereses do sector no marco das decisións comunitarias a pesar do
papel de España como potencia pesqueira”. Ruiz advertiu tamén “da proximidade das negociacións das cotas na UE, que manteñen en albas ao sector e condicionan a actividade das seguintes campañas”.
O senador pediu ademais “impulsar unha estratexia estatal para a negociación de acordos bilaterais de pesca con terceiros países e esixe unha maior transparencia e participación do sector pesqueiro español nos procesos de negociación comunitaria”.
A voceira de Pesca do GPP e senador pola Coruña, Manuel Ruiz, destacou o papel de España como potencia pesqueira na Unión Europea, tanto polo volume de capturas como por dimensión da súa frota, número de empregos directos e indirectos, tecido industrial asociado e valor estratéxico. “A actividade pesqueira representa unha fonte de emprego e riqueza, de equilibrio territorial e sustentabilidade dos ecosistemas mariños”, afirmou Ruiz, quen recalcou que, con todo, “os intereses do sector pesqueiro español sufriron un progresivo deterioro nos últimos anos, no marco das decisións comunitarias”, e a progresiva desaparición de embarcacións, de 19.000 a 8.000 barcos de pesca. Alertou, como dixemos, da proximidade das negociacións das cotas, que teñen lugar en decembro no seo do Consello de Ministros de Pesca da UE, “que manteñen en albas ao sector e condicionan a actividade das seguintes campañas”, así como as negociacións anuais con Reino Unido, tralo Brexit. Por iso, dixo, a moción do PP insta o Executivo a reforzar “a presenza e influencia de España nos foros de decisión europeos”, asegurando unha posición firme e coordinada nas negociacións plurianuais de cotas pesqueiras, baseada en criterios científicos, socioeconómicos e de sustentabilidade.
Do mesmo xeito, pediu impulsar unha estratexia estatal para a negociación de acordos bilaterais de pesca con terceiros países, especialmente en África, que garanta o acceso efectivo a caladoiros para a frota española e “unha compensación xusta” en termos de esforzo pesqueiro e contrapartida financeira.
O voceiro de Pesca do PP indicou que “tamén esiximos unha revisión do modelo de acceso aos recursos compartidos con países non membros da UE”, como Noruega, co obxectivo de corrixir os desequilibrios, que prexudican de forma reiterada á frota española. Por último, o senador do PP incidiu en que “o noso sector pesqueiro sempre está disposto a colaborar, dispón de información técnica e exercen unha importante influencia a nivel comunitario; é por iso que a iniciativa do PP tamén esixe unha maior transparencia e participación do sector pesqueiro español nos procesos de negociación comunitaria, fortalecendo a interlocución coas organizacións representativas e as comunidades autónomas con competencia en pesca”.
Ruíz criticou o voto en contra do PSOE: “Xa vemos que non necesitan o apoio das CC.AA., nin do sector, nin do grupo maioritario neste país. Nunca están onde se lles necesita, e non lles importa nada o sector pesqueiro, como demostran cada vez que teñen ocasión”.
