A Xunta de Galicia activará este martes a alerta laranxa por temporal costeiro no litoral das provincias da Coruña e Pontevedra, segundo informou a Dirección Xeral de Emerxencias e Interior da Consellería de Presidencia, Xustiza e Deportes.
revista do temporal.
Co obxectivo de garantir a seguridade das persoas e dos bens, o Centro Integrado de Atención ás Emerxencias 112 Galicia notificou a situación aos concellos afectados, deputacións, servizos provinciais e agrupacións de Protección Civil, así como aos clubs náuticos e outras entidades vinculadas á actividade mariña.
Como medida preventiva, a Consellería anunciou, a través da Secretaría Xeral para o Deporte, a suspensión da actividade deportiva federada e do programa Xogade no mar nos municipios costeiros afectados.
- No litoral da Coruña, a suspensión estará vixente das 09:00 horas do martes ata as 05:00 horas do mércores.
- Na costa de Pontevedra, aplicarase desde as 12:00 horas do martes ata as 10:00 horas do mércores.
Segundo a Axencia Estatal de Meteoroloxía (Aemet), o fenómeno adverso comezará mañá pola mañá no noroeste e oeste da costa coruñesa, estendéndose pola tarde ao suroeste da Coruña e a toda a costa de Pontevedra. Prevese vento do sur con forza 8 e mar combinada do suroeste con ondas de ata seis metros.
A Xunta lembra a importancia de manterse afastado da liña de costa —diques, rompentes e paseos marítimos— e recomenda extremar as precaucións nas actividades mariñas, así como revisar cabos e amarres das embarcacións ante a intensidade p
