Dotación de garda do Grupo de Emerxencias e Protección Civil Municipal foi mobilizada polo CIAE 112 por mor dun accidente de tráfico con feridos na DP-7305. O accidente rexistrouse na mañá deste xoves 6 de novembro no lugar da Mámoa, en Carreira, e nel resultaron mancadas de diversa consideración dúas persoas. Os automóbiles impactaron un contra o outro e, tamén, cun dos edificios da contorna.
Ademais, os efectivos do GAEM acudiron a Corrubedo por un desprendemento de muro debido a erosión do mar na costa de Corrubedo. O muro, esboroado por mor do temporal e da acción do mar, atópase xusto debaixo dunha vivenda na praia da Robeiriña.
Por outra banda, o Grupo de Emerxencias de Ribeira traballou estes días no parque García Bayón para proceder ao envelenamento dun niño de avespas velutinas situados nunha árbore do parque, co conseguinte perigo que a presenza destes insectos puidera carrexar para o nenos que frecuentan esta importante área de lecer.
