O Concello de Boiro asina convenios de colaboración con 30 clubs e entidades deportivas que obteñen unha subvención nominativa que ten como obxecto sufragar os gastos xerais dos propios clubs.
O alcalde, José Ramón Romero, e o concelleiro de Deportes, Marcos Fajardo, asinaron estes primeiros convenios co Boiro Voleibol e o CD Boiro.
A finalidade destes convenios é axudar a sufragar os gastos xerais dos clubs en canto a arbitraxes, material deportivo ou equipamentos, así como a celebración de probas deportivas ou a participación nas mesmas durante a tempada.
O Concello de Boiro destina unha cantidade total de 438.335,63 euros para a promoción do deporte do municipio mediante as subvencións nominativas a clubs, as bolsas de concorrencia a clubs e deportistas federados, as Escolas Deportivas Municipais e os Veráns Deportivos.
