As inscricións pódense formalizar antes do 27 de novembro.
O Centro Cultural Lustres Rivas será o escenario dun obradoiro de gravado o martes 2 de decembro, ás 16.00 horas, no marco do XIX Premio Internacional de Arte Gráfica Jesús Núñez. A actividade, de carácter gratuíto, está dirixida a persoas maiores de 16 anos.
As inscricións poden formalizarse ata o 27 de novembro a través do correo culturaefestexos@ribeira.gal.
A concelleira de Cultura, Ana Barreiro, destacou a colaboración coa Deputación da Coruña nesta iniciativa, subliñando que “se establecen sinerxías cunha institución de referencia para seguir afondando no mundo do gravado, do que o noso municipio é un referente, co Museo do Gravado de Artes como claro exemplo”.
