A Asociación Cruceiro do Monxo (Bealo, Boiro) vai celebrar ao grande ao outono deste 8 de novembro, coa súa festa do Magosto 2025, a partir das 19.00 horas no Campo de San Ramón. Haberá vertente estritamente gastronómica, con degustación de castañas asadas, pero tamén queimada, viño, chupitos, rosca, lambetadas para a rapazada e pandeireteiras. Contarase coa presenza de Pepita Bermúdez Andión, de Nunca é Tarde. Organiza a Asociación de Veciños Cruceiro do Monxo coa colaboración do Concello de Boiro. En caso de choiva a festa trasladarase ao Pavillón da Lomba.
