Este sábado 29 de novembro vaise celebrar en Noia un Obradoiro de Canto con Narci Rodríguez. O taller creativo será en palabras da organización do mesmo “unha oportunidade única para achegarnos ao mundo da técnica vocal da man dun profesional”. A cita dará comezo ás 18:30 h nas Salas de Ensaio Prudencio Romo (Noia). A entrada será de balde. Preséntase como unha boa oportunidade para as persoas que queiran iniciase no canto, xa que terán ao seu dispor a experiencia e o coñecemento do músico local Narci Rodríguez, prestixioso músico de jazz e outros estilos que vén de lanzar o seu quinto traballo discográfico co dA Trío, baixo o título The glitch: suite for the sad young men.
