Galicia afronta unha xornada marcada pola estabilidade atmosférica, coa influencia das altas presións situadas no Atlántico norte, que continúan achegando aire frío á comunidade. Esta situación deixará un ceo máis nubrado no norte, mentres que no sur se abrirán amplos claros ao longo do día.
Durante a mañá poderán aparecer néboas persistentes en zonas do interior, que irán levantando de maneira gradual. A partir do mediodía, espérase a chegada de nebulosidade alta que cubrirá parcialmente o ceo en gran parte do territorio.
As temperaturas experimentarán un descenso significativo, tanto nas máximas como nas mínimas, consolidando un ambiente máis frío(14-17 máximas). Os ventos soprarán moi frouxos, predominantemente de compoñente norte, sen ofrecer cambios salientables no estado do mar.
O noso mar: Vento do nordés á mañá, do norte á tarde e do norte á noite, forza 3 a 4 á mañá e á tarde e 2 a 4 á noite. Marusía á mañá e á tarde e mar ovellado á noite. Visibilidade boa. Mar de fondo do noroeste, con ondas de 0.5 a 1 metros á mañá e 0 a 0.5 metros á tarde e á noite.
