O luns estará marcado polo paso dunha fronte activa que se desprazará rapidamente de norte a sur durante a mañá. Agárdase unha mañá de ceos moi nubrados con chuvias xeneralizadas, nalgúns puntos localmente fortes.
Tras o paso da fronte, a tarde presentará unha tendencia á apertura de claros, aínda que con chuvascos ocasionais. As temperaturas mínimas descenderán lixeiramente, mentres que as máximas experimentarán un pequeno ascenso.
Os ventos do suroeste soprarán moderados en terra e fortes no mar antes da chegada da fronte, rolando a noroeste moderado despois do seu paso.
O noso mar: Vento do sudoeste á mañá e do norte á tarde e á noite, forza 4 a 6 á mañá e á tarde e 4 a 5 á noite. Forte marusía. Visibilidade mala á mañá e boa á tarde e á noite. Mar de fondo do noroeste, con ondas de 1.5 a 2.5 metros.
