A influencia anticiclónica comeza a gañar terreo este luns, coa presenza de altas presións que favorecen unha circulación de ventos do nordés. Esta situación traerá unha xornada marcada polos ceos con nubes e claros en boa parte do territorio.
No extremo norte agárdase maior nubosidade e a entrada de chuvascos intermitentes ao longo do día, mentres que cara ao sur os claros serán máis amplos e permitirán momentos de sol.
No apartado térmico, as temperaturas mínimas experimentarán un descenso, facendo a mañá algo máis fresca, pero as máximas subirán lixeiramente respecto a xornadas anteriores. O vento soprarán do nordés, en xeral frouxo con intervalos moderados no interior, e moderado nas zonas costeiras.
O noso mar: Vento do nordés á mañá e á noite e do norte á tarde, forza 3 a 5 á mañá e á tarde e 3 a 4 á noite. Marusía. Visibilidade boa. Mar de fondo do noroeste, con ondas de 0.5 a 1.5 metros á mañá e 0.5 a 1 metros á tarde e á noite.
