Este luns 1 de decembro, permaneceremos baixo a influencia dunha profunda borrasca situada no Atlántico norte e asociada a unha fronte activa, o que provocará un progresivo empeoramento das condicións meteorolóxicas. As nubes irán en aumento co avance das horas e, a partir do mediodía, agárdase que cheguen as primeiras precipitacións, que se estenderán durante a tarde e se volverán intensas e xeneralizadas xa entrada a noite.
Nas últimas horas da xornada, a neve fará acto de presenza nas zonas máis altas do leste da Comunidade. As temperaturas mínimas experimentarán un lixeiro ascenso, mentres que as máximas se manterán sen grandes cambios.
O vento tamén será protagonista: os refachos do sur soprarán con moita intensidade no litoral e nas áreas elevadas do interior, especialmente desde o mediodía, para ir rolando a oeste-noroeste ao final do día.
O PROGNÓSTICO INDICA QUE TEREMOS PRECIPITACIONS CON MAIS OU MENOS INTENSIDADE NOS PRÓXIMOS QUINCE DIAS COMO MÍNIMO,
Aviso para o luns 1: Para a xornada do luns, mantense a atención posta nos refachos fortes de vento, que afectarán de novo ás zonas costeiras e aos puntos máis altos de Galicia.
O noso mar: Vento do sur á mañá, do sur á tarde e do noroeste á noite, forza 4 a 5 á mañá e á noite e 6 a 7 á tarde. Forte marusía á mañá e á noite e media vaga á tarde. Visibilidade boa á mañá, regular á tarde e mala á noite. Mar de fondo do noroeste, con ondas de 1 a 2 metros á mañá e á tarde e 2 a 2.5 metros á noite.
