Dotacións da Agrupación de Voluntarios e do Servizo Municipal de Protección Civil de Ribeira, xunto cos Bombeiros de Ribeira e a Policía Local, interviñeron nas últimas horas nun accidente de tráfico sen feridos rexistrado na AG-11, á altura de Palmeira, no termo municipal de Ribeira.
Os servizos de emerxencia desprazáronse de inmediato ao punto do sinistro para asegurar a zona, garantir a seguridade viaria e proceder á retirada do vehículo implicado, evitando así riscos para o resto de usuarios da vía.
A circulación na AG-11 viuse afectada de maneira puntual durante os traballos de intervención, recuperándose a normalidade en pouco tempo. As causas do accidente están a ser analizadas polos efectivos mobilizados.
