A oitava edición do Ciclo de Novos Intérpretes da Escola de Música de Rianxo chega ao seu remate este domingo 23 de novembro no Auditorio de Rianxo. Farao cun recital de intérpretes solistas e de piano. Péchase así unha xeira de cinco actuacións dos mozos e mozas da banda, novas promesas da música local e galega, que fixeron desfrutar a veciños e visitantes con pezas únicas.
Coma en anteriores edicións, esta última actuación será ás 12:30 horas.
A entrada será de balde ata completar capacidade.
No presente ciclo participaron novas e puxantes agrupacións como Ventos do Ulla, Pirineos, Cinco Ondiñas e Euphonia.
