O domingo traerá precipitacións febles, sobre todo na provincia da Coruña, e temperaturas sen grandes cambios
A xornada do domingo 2, día de defuntos, estará marcada por unha melloría gradual do tempo, xa que o país comezará a recuperar a influencia das altas presións. Porén, a presenza de ventos do suroeste achegará moita humidade, o que manterá os ceos nubrados en xeral.
Prevese algunha precipitación ocasional e de pouca intensidade, especialmente na provincia da Coruña, mentres que nas demais zonas as choivas serán máis dispersas ou intermitentes.
As temperaturas non experimentarán cambios salientables, aínda que poderían rexistrarse lixeiros descensos nalgúns puntos do interior (16 a 19 graos).
Os ventos soprarán frouxos do suroeste, con intervalos moderados no litoral norte, onde a sensación de humidade será máis acusada.
O noso mar: Vento do sudoeste á mañá e á tarde e do sur á noite, forza 1 a 3 á mañá e á tarde e 1 a 2 á noite. Mar ovellado á mañá e á tarde e mar rizado á noite. Visibilidade regular á mañá e boa á tarde e á noite. Mar de fondo do noroeste, con ondas de 2 a 3 metros á mañá e á noite e 2.5 a 3.5 metros á tarde.
