Este sábado 15 de novembro Cruz Vermella Boiro en colaboración co Concello vai organizar un Magosto comunitario no Centro Social de Boiro, unha festa gastronómica, festeira, participativa e solidaria que exaltará a castaña galega durante boa parte da xornada do sábado. A celebración, de feito, inclúe unha manchea de actividades “para desfrutar en comunidade”, en palabras da Cruz Vermella.
A axenda dará comezo ás 12.00 horas cunha actuación do Mago Teto e proseguirá logo cun vermú musical (ás 13.00 horas) e cun xantar popular.
Logo da comida celebrarase un paseo polo Camiño Vello (un paseo con Jane) e partir das 17.30 horas dará comezo o magosto propiamente dito e máis o serán tradicional (con música e baile tradicional a cargo das agrupacións locais Xilbarbeira, Pedra de Aroña, Mar de Cabo e Os da Boina).
Para participar no xantar popular é necesario apuntarse previamente chamando ao 981 844 804 ou pasando polas oficinas da Cruz Vermella para reservar asento.
