No marco do programa Outes a Escena, Artefeito Producións vai representar este sábado 22 de novembro, ás 20.00 horas na Casa da Cultura da Serra, a peza Retrincos de Castelao.
A entrada é de balde ata completar aforamento, o propio día da actuación. Esta obra está incluída no Bono Xeral.
Nesta proposta cultural, a través dun ollo de vidro que lle dá nova forma á realidade, os cómicos Isabel Risco e Fran Rei lévannos a presenciar a vida dos homes e mulleres que habitaron esta terra para que poidamos comprender, como comprendeu Castelao, quen fomos e quen somos. Con texto de Diego Rey, esta peza teatral supón un achegamento ao humor na obra do inmortal autor de Rianxo.
Actividade da Secretaría Xeral da Lingua en colaboración co SNL do Concello de Outes, a través do programa Falaredes.
