A dotación do Parque de Bombeiros de Boiro (Consorcio Contra Incendios e Salvamento de A Coruña) actuou na mañá deste venres 7 de novembro para asistir a unha persoa implicada nun accidente acontecido na Autovía do Barbanza (AG-11), no quilómetro 16 en Ribeira ao seu paso por Rianxo. Os bombeiros contaron coa colaboración da Garda Civil, o 061, o servizo de mantemento da autovía e o grupo de Protección Civil de Rianxo. Ao parecer, o condutor saíuse da vía tras chocar coa mediana.
O accidente aconteceu sobre as 11.20 horas da mañá deste venres. Malia a aparatosidade do sinistro, a persoa que conducía o vehículo (en dirección Ribeira) non resultou ferida. Os feitos obrigaron aos servizos de mantemento a limpar o firme do gasóleo vertido polo automóbil.
