No marco deste operativo contra o furtivismo, os axentes identificaron unha persoa, tramitaron unha sanción por infrinxir a Lei de Pesca de Galicia e as centolas comisadas foron devoltas ao mar
Axentes do Equipo de Resposta Policial (Erpol) da Unidade de Policía Nacional Adscrita de Galicia (UPA) incautaron 74 quilos de centola e interviron un vehículo durante un operativo de control e rastrexo de produtos pesqueiros desenvolvido o pasado 22 de novembro no concello de Rianxo.
No marco da actuación, os axentes identificaron unha persoa e tramitaron unha acta de sanción por infracción da Lei de Pesca de Galicia. As centolas, que se atopaban vivas, foron devoltas ao mar pola Garda Costas de Galicia.
Este dispositivo forma parte do reforzo impulsado pola UPA, en colaboración coa Consellería do Mar e as confrarías de pescadores, para combater o furtivismo e protexer os recursos mariños. A actuación céntrase tanto na prevención da extracción ilegal como na venda, transporte e distribución de produto sen garantías sanitarias.
