Unha nova exposición chega ao Centro Cultural Lustres Rivas de Ribeira a través do XIX Premio Internacional de Arte Gráfica Jesús Núñez, impulsado pola Deputación da Coruña. A apertura será no xoves, 27 de novembro, ás 20.00 horas, na dita dependencia municipal, da man da concelleira de Cultura de Ribeira, Ana Barreiro. Ademais desta mostra, ao abeiro de dito premio, organizarase un obradoiro de gravado, será o vindeiro martes, 2 de decembro, a partir das 16.00 horas, no propio Lustres Rivas. Trátase dunha acción formativa de balde dirixida a un público maior de 16 anos. As persoas interesadas aínda dispoñen para anotarse ata o 27 de novembro mediante o enderezo electrónico culturaefestexos@ribeira.gal.
