O vindeiro mércores, 26 de novembro, a Asociación Española Contra o Cancro celebrará un obradoiro gratuíto sobre o manexo da incerteza dirixido a pacientes oncolóxicos. A xornada terá lugar na sede da Asociación en Ribeira, situada na rúa do Estatuto, 1, ás 10:30 horas.
O obxectivo desta actividade grupal é “ofrecer recursos prácticos que axuden aos participantes a xestionar mellor a incerteza inherente ao proceso oncolóxico, contribuíndo ao seu benestar emocional durante o tratamento e a recuperación”.
O taller estará dirixido por Patricia Baños, psicóloga da Asociación Española Contra o Cancro, que acompañará aos asistentes na aprendizaxe de estratexias para afrontar os desafíos que xorden tras o diagnostico da enfermidade.
Esta actividade está organizada pola Asociación Española Contra o Cancro en Ribeira, co apoio do Concello de Ribeira e da Consellería de Política Social e Igualdade da Xunta de Galicia, e reforza o compromiso da entidade coa atención integral ás persoas afectadas polo cancro.
