A Mancomunidade Barbanza Arousa convídanos a participar nunha nova edición do concurso de tapeo que promove o talento da nosa hostalaría e o produto local.
Estas serían as datas correspondentes a cada concello da mancomunidade:
Rianxo: 31 de outubro, 1 e 2 de novembro
A Pobra do Caramiñal: 14, 15 e 16 de novembro
Ribeira: 21, 22 e 23 de novembro
Boiro: 28, 29 e 30 de novembro
Dende a mancomunidade fan un chamamento aos establecementos da comarca para participaren, “uníndose á gran festa do sabor, da creatividade e da gastronomía locais”. Máis datos en info@somosenredos.com e no teléfono 616 48 85 67 (chamada ou WhatsApp).
O certame vén da man mancomunidade de concellos formada por Boiro, A Pobra do Caramiñal, Ribeira e Rianxo (Barbanza Arousa).
Ademais de organizar actividades que tratan de incentivar a demanda na hostalaría en tempada baixa, “o obxectivo tamén pasa por promover o produto local desde a gastronomía, tanto o produto fresco coma a conserva, e os viños da IXP Barbanza e Iria”.
Nas edicións anteriores os impactos económicos no territorio desta iniciativa superaron os 40.000 euros en cada convocatoria.
