Durante a xornada do venres 31, San Quintín e San Nemesio. unha fronte moi activa e de carácter estacionario atravesará Galicia, deixando ceos moi nubrados e precipitacións xeneralizadas, que poderán ser localmente fortes, especialmente nas comarcas do sur e do oeste da Comunidade.
As temperaturas mínimas rexistrarán un moderado ascenso, mentres que as máximas subirán lixeiramente (16-19 graos).
Os ventos soprarán do sur-suroeste, moderados en xeral, con intervalos fortes no litoral e nas zonas altas, onde poderían producirse refachos destacables.
Fin de semana con nubes e claros sen cambios nas temperaturas.
O noso mar: Vento do sur á mañá e á tarde e do sudoeste á noite, forza 4 a 6 á mañá e á noite e 5 a 6 á tarde. Forte marusía. Visibilidade regular. Mar de fondo do oeste, con ondas de 2.5 a 3.5 metros á mañá e á tarde e 1.5 a 2.5 metros á noite.
