Galicia manterase durante a xornada do venres 24, San Antonio María Claret, nunha situación intermedia entre as altas e as baixas presións, coa presenza dunha fronte situada ao norte de Portugal que deixará maior nubosidade na metade sur e oeste da comunidade.
Espéranse ceos máis pechados na comarca e nas rías baixas, mentres que no centro e norte do territorio predominarán os claros. Nas últimas horas do día poderían rexistrarse precipitacións febles, especialmente no sur galego.
As temperaturas mínimas descenderán lixeiramente na metade sur, mentres que as máximas se manterán sen cambios significativos ou con leves ascensos(17 a 20 graos). O vento soprará frouxo do oeste-suroeste, con intervalos moderados no litoral norte, e xirará a norte-nordés nas Rías Baixas.
O noso mar: Vento do sur á mañá, do norte á tarde e do nordés á noite, forza 1 a 3 á mañá e á tarde e 2 a 3 á noite. Mar ovellado. Visibilidade boa á mañá e á tarde e regular á noite. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
