Este venres 10, San Paulino, estaremos baixo os efectos dun anticiclón o que traerá consigo unha xornada marcada pola estabilidade atmosférica e unhas condicións meteorolóxicas moi favorables en xeral.
Agárdanse ceos pouco nubrados ou despexados, aínda que poderán aparecer bancos de néboa matinais no interior, así como a entrada de nubes baixas polo extremo norte co avance do día. As temperaturas experimentarán un lixeiro ascenso, tanto nas mínimas como nas máximas, contribuíndo a unha sensación térmica agradable.(24 a 27 graos).
En canto ao vento, soprará do nordés, con intensidade frouxa con intervalos de moderado, aínda que poderá alcanzar rachas fortes entre Estaca de Bares e a Costa da Morte, especialmente nas horas centrais da xornada.
FIN DE SEMANA SOLEADO CON TEMPERATURAS ALTAS.
O noso mar: Vento do nordés á mañá e á noite e do norte á tarde, forza 3 a 5 á mañá, 2 a 4 á tarde e 3 a 4 á noite. Marusía á mañá e á noite e mar ovellado á tarde. Visibilidade boa. Mar de fondo do noroeste, con ondas de 0.5 a 1.5 metros á mañá e 0.5 a 1 metros á tarde e á noite.
