Galicia vivirá este sábado, San Lucas, unha xornada de transición meteorolóxica, marcada polo achegamento dunha fronte polo oeste tras a retirada das altas presións o que deixará chuvias na noite do sábado o domingo.
A primeira metade do día presentarase con ceos moi abertos e intervalos de nubes altas, pero co avance da tarde prevese un aumento progresivo da nubosidade de tipo medio e alto. Xa pola noite, a fronte fará toque de terra polo litoral occidental, deixando as primeiras precipitacións, que se irán xeneralizando durante as horas seguintes.
As temperaturas manteranse sen cambios significativos, aínda que se agardan lixeiros ascensos das máximas nas comarcas do litoral norte.
O vento soprará de compoñente sur, frouxo en xeral, pero irá gañando intensidade coa chegada da fronte, especialmente nas zonas costeiras.
O domingo será unha xornada con choiva intensa todo o día e baixa da temperatura.
O noco mar; Vento do sueste á mañá e do sur á tarde e á noite, forza 1 a 2 á mañá, 2 a 4 á tarde e 4 a 5 á noite. Mar rizado á mañá, marusía á tarde e forte marusía á noite. Visibilidade boa á mañá e á tarde e regular á noite. Mar de fondo do oeste, con ondas de 0.5 a 1 metros á mañá e 1 a 1.5 metros á tarde e á noite.
