Este xoves, 16 de outubro, ás 19:00 horas, terá lugar na Fundación Granell (Pazo de Vaamonde, praza do Toral, Santiago de Compostela) o acto de presentación do novo número da revista FORO GALICIA E VALLE-INCLÁN. Publicación de estudos sobre Ramón del Valle-Inclán, correspondente ao Ano 2, N.º 2.
A revista é unha iniciativa promovida pola asociación homónima, presidida e dirixida editorialmente por Xaquín del Valle-Inclán Alsina, e ten como obxectivo difundir e fomentar o estudo e coñecemento da obra e figura do escritor Ramón María del Valle-Inclán, unha das grandes referencias da literatura galega e española.
O evento contará coa participación de investigadores, colaboradores da publicación e representantes do ámbito cultural galego, nun espazo simbólico como é a Fundación Granell, situada no corazón histórico de Santiago. A entrada é libre ata completar aforo.
