A Biblioteca Pública Municipal Castelao, dende o seu espazo provisional no Centro Sociocultural-Auditorio de Rianxo, organiza para a vindeira semana tres propostas dentro do programa Ler conta moito da Rede de Bibliotecas de Galicia.
Venres 17 de outubro – 18.00 h
Pipo, o paxaro que non sabía voar, a cargo de Trémola Teatro
Público destinatario: bebés de 0 a 3 anos
Duración: 45 minutos
Entrada: de balde ata completar capacidade
É precisa inscrición previa no correo cultura@concelloderianxo.gal.
Sinopse: Pipo é un paxariño que está moi triste porque non sabe voar. Un día aparecen por alí os seus amigos, que lle intentan axudar. Será capaz Pipo de aprender a voar grazas á vosa axuda?
Sábado 18 de outubro – 12.00 h
Alúa, o bosque itinerante, a cargo da Fraga dos Mouros
Público destinatario: familiar con crianzas de 4 a 12 anos
Duración: 60 minutos
Entrada: de balde ata completar capacidade
Sinopse: Unha moura e un trasno deben salvar o bosque. Coa participación dos nenos, atravesarán probas e descubrirán a mitoloxía e a natureza galegas entre xogos, contos, cancións en vivo e malabares.
Sábado 25 de outubro – 12.00 h
A landra viaxeira e o amigo Lambón, a cargo de Os Jalochos
Público destinatario: familiar con crianzas ata 12 anos
Duración: 45 minutos
Entrada: de balde ata completar capacidade
Todas as actividades terán lugar na Biblioteca Pública Municipal Castelao (espazo provisional no Centro Sociocultural-Auditorio de Rianxo).
Sinopse: Cunha folla de carballo que se transforma en camión, nun barquiño, nun paraugas, se precisan dun avión, Landra e Lambón coñecerán a Picapeixe e Picapaus, o punki Ramón o Salmón, a píntega Leda, Old Pot que é unha tarteira vella e Lara, a píllara espacial. Respectar a natureza, viaxar por vilas e cidades, xogar co ritmo da música, cantar e bailar sen acougo, son parte das propostas que pon en valor este libro para o divertimento das pícaras e pícaros da casa. Landra e Lambón, dúas criaturas que son un conto de fadas, relatan unha fabulosa historia chea de música, cor, aventuras, novas amizades e singulares expresións que pola costa galega adoitan falar.
