O Ministerio de Agricultura, Pesca e Alimentación distinguiu este mércores 15 de outubro, co Premio Honorífico de Excelencia á Innovación para Mulleres Rurais ás mulleres cooperativistas do sector agroalimentario, en recoñecemento “ao seu labor colectivo, ao fortalecemento da súa autonomía e participación na toma de decisións, así como por constituír un referente para toda a sociedade e as novas xeracións”.
Ademais, o ministerio outorgou os premios desta edición nas súas catro categorías, con tres galardóns por modalidade, dotados con 18.000, 12.000 e 7.500 euros respectivamente.
“Esta iniciativa reforza o compromiso do Ministerio coa igualdade de xénero, o acceso das mozas á actividade agraria e a diversificación económica como ferramenta para frear o despoboamento rural”, informou o Goberno.
Na categoría de Excelencia á Innovación na Actividade Pesqueira ou Acuícola, o segundo premio foi dar a María Carmen Sánchez Sánchez, (Galuriña, Esteiro, A Coruña) polos seus produtos de panadería enriquecidos con macerados de algas propias.
O negocio (Galuriña) consiste nunha empresa especializada en masa con algas: empanadas con peixes, mariscos e a gama vegana e pizzas de diferentes sabores. Traballa con algas tipo himanthalia, wkame, ulva e nori, todas elas certificadas como recolectores polo CRAEGA (organismo de certificación de produtos ecolóxicos en Galicia) .
O acto de entrega coincidiu coa celebración Día Internacional das Mulleres Rurais.
