Galicia iniciará a semana cunha xornada de inestabilidade atmosférica, marcada pola presenza dunha nova fronte activa que deixará ceos moi nubrados, chuvias intermitentes e episodios de tormenta, especialmente nas comarcas atlánticas e do interior oeste.
As precipitacións serán máis intensas durante a madrugada e primeiras horas da mañá, cando se poderán rexistrar treboadas ocasionais. Co avance do día, as chuvias te chuvascos de tipo illado e ocasional, máis probables en comarcas atlánticas tenderán a amainar, aínda que os ceos continuarán cubertos e non se descartan novos chuvascos illados pola tarde e á noite.
As temperaturas descenderán lixeiramente, con máximas que rondarán os 15 a 16 graos e mínimas próximas aos 12 graos, o que deixará unha sensación térmica fresca en boa parte da comunidade.
O vento soprará do suroeste con intensidade moderada, reforzándose nas zonas costeiras e nas elevadas, onde poderán rexistrarse rachas fortes ao paso da fronte.
A situación mellorará a partir do martes, cando se agarda unha tregua nas precipitacións e unha leve recuperación térmica.
AS PRECIPITACIONS SEGUIRÁN ATA O XOVES.
O noso mar; Vento do sudoeste á mañá e á tarde e do sur á noite, forza 3 a 4 á mañá e á tarde e 5 a 7 á noite. Marusía á mañá e á tarde e forte marusía á noite. Visibilidade regular á mañá e á tarde e mala á noite. Mar de fondo do noroeste, con ondas de 1.5 a 2 metros á mañá e 1.5 a 2.5 metros á tarde e á noite.
