A AECC comunicou a nova data da Andaina Solidaria Contra o Cancro de Porto do Son, que non puido realizarse o pasado 19 de outubro por mor das condicións climáticas adversas. A nova data será o vindeiro 2 de novembro, a partir das 11 horas dende o paseo marítimo.
As inscricións poden facerse xa en liña.
O obxectivo é recadar fondos para a Asociación Española Contra o Cancro e para seguir investigando na enfermidade.
O percorrido será o seguinte: Igrexa – Faro Cabeiro – Paseo marítimo.
O custe será de 5 euros para persoas adultas e de 3 euros para nenas e nenos de até 12 anos de idade. Por certo que quen non poida asistir, tamén pode colaborar co Dorsal Solidario dispoñíbel na Rede.
Na edición do ano pasado, a cuarta, participaron máis de 300 persoas, incluído o alcalde, Luis Oujo, e máis a conselleira de Política Social, Fabiola García, aos que se sumaron (tamén) as e os integrantes da comunidade Amicos, entidade inclusiva do Barbanza.
Novamente a recadación destinarase integramente á AECC para reforzar o seu traballo de investigación e divulgación.
