O martes a circulación do suroeste seguirá achegando sucesivas liñas de inestabilidade a Galicia. Agárdase unha xornada de ceos nubrados e con chuvascos, localmente treboentos na fachada atlántica e de carácter feble e ocasional ao norte e ao leste. As temperaturas experimentarán lixeiros ascensos. O vento soprará do suroeste moderado, con intervalos fortes no litoral norte.
O noso mar: Vento do sudoeste, forza 3 a 4 á mañá e 3 a 5 á tarde e á noite. Marusía. Visibilidade regular. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
